Плошча 50 год Вялікага Кастрычніка 7 студзеня стала месцам правядзення каляднага свята, на якое яго арганізатары — супрацоўнікі ўстаноў культуры раёна і самадзейныя артысты — запрасілі жыхароў і гасцей райцэнтра.
Удзельнікі мерапрыемства пазнаёміліся з тэатрам «Батлейка». Гэты від старажытнага беларускага мастацтва цікавы не толькі юным гледачам, але і дарослым.
Казачныя персанажы расказалі гасцям свята гісторыію нараджэння Іісуса Хрыста.
Артысты разам з гасцямі узгадалі і пра традыцыі беларусаў. Нашы продкі перад Калядамі заўсёды прыбіралі ў хаце. Увесь калядны тыдзень лічыўся святочным. І ўсім дзеткам рыхтавалі падарункі. На свята заўсёды частавалі родных, суседзяў і мядком, і сырам.
Для гледачоў ладзілася цікавае прадстаўленне. І дарослыя, і дзеці маглі пачаставацца гарачымі блінамі і шашлыком, паудзельнічаць у танцах, паспяваць разам з народнымі ансамблямі народнай песні «Задорніцы» і «Беразуха».
Нікіфар МІНЧАНКА.
