У першую нядзелю верасня Беларусь адзначае Дзень беларускага пісьменства — нацыянальнае свята, прысвечанае гісторыі друкаванага слова, культуры і духоўнай спадчыны народа. У бібліятэках Клімавіцкай бібліятэчнай сеткі праходзяць тэматычныя мерапрыемствы, што раскрываюць глыбіню беларускай літаратурнай традыцыі і яе сувязь з славянскімі вытокамі.
У цэнтральнай раённай бібліятэцы адбылася гістарычная гадзіна “Дарогай продкаў, дарогай Скарыны”, дзе юныя чытачы пазнаёміліся з жыццём і спадчынай Францыска Скарыны, а таксама з рэдкімі фактамі пра старажытныя кнігі.
У Лабжанскай сельскай бібліятэцы дзейнічае выстава “Ад Кірылы і Мяфодзія да нашых дзён”, якая прапануе акунуцца ў свет роднай мовы і яе багатую гісторыю.
У Ціманаўскай бібліятэцы прайшоў дзень інфармацыі “Кніга: ад вытокаў да сучаснасці”, дзе моладзь даведалася пра гісторыю беларускага кнігадрукавання і прыняла ўдзел у віктарынах “Свет ведаў адкрывае кніга” і “Людзі. Падзеі. Факты”. Выстава з аднайменнай назвай знаёміць чытачоў з літаратурай пра беларускіх асветнікаў.
Фота Новости — Климовичская библиотечная сеть
