У Лабжанскай школе Клімавіцкага раёна завяршыўся Тыдзень патрыятычнага выхавання «Незалежная, квітнеючая Беларусь».
Як выхоўваюць патрыётаў, расказала намеснік дырэктара па асноўнай дзейнасці Алена Траццякова:
— У нашай установе адукацыі рэгулярна праходзяць мерапрыемствы патрыятычнай накіраванасці. Трэцюю навучальную чвэрць пачалі з Тыдня патрыятычнага выхавання. Педагогі і навучэнцы актыўна ўключыліся ў працу. Было праведзена нямала мерапрыемстваў, класныя і інфармацыйныя гадзіны. Дзеці акунуліся ў свет экапрафесій і даведаліся шмат новага пра нашу краіну ў час гульні-вандроўкі «Запаведная Беларусь». Вучні наведалі выставу літаратуры «Адкрываем Радзіму — пазнаём сябе». Таксама ў рамках Тыдня школьнікі здзейснілі віртуальную экскурсію ў музей гісторыі Вялікай Айчыннай вайны ў Мінску. Наведалі і школьны музей. Таксама дзеці пазнаёміліся з прафесіяй выратавальніка. Адбылося яшчэ шмат чаго цікавага.